Get the latest news at
your fingertips!
Download our app now
LIVE TV
Search
പഞ്ചാബ് ബോളർമാരുടെ തകർപ്പൻ പ്രകടനത്തിന് മുമ്പിലും കുലുങ്ങാതെ ടിം ഡേവിഡ്. മഴ മൂലം 14 ഓവറാക്കി ചുരുക്കിയ ചിന്നസ്വാമിയിൽ ടോസ് നഷ്ടപ്പെട്ട് ബാറ്റിങ്ങിനിറങ്ങിയ റോയൽ ചലഞ്ചേഴ്‌സ് ബെംഗളൂരു പഞ്ചാബ് ബോളർമാരുടെ മുന്നിൽ തകർന്നടിയുന്ന കാഴ്ചയാണ് ആദ്യം കണ്ടത്.
ഒരു സമയത്ത് 8.2 ഓവറിൽ ഏഴുവിക്കറ്റിന് 42 എന്ന നിലയിലായിരുന്ന ആർസിബിയെ ടിം ഡേവിഡ് 14 ഓവറിൽ 95 റൺസിലെത്തിച്ചു.
താരം 26 പന്തിൽ മൂന്ന് സിക്‌സറും അഞ്ചുഫോറും അടക്കം 50 റൺസ് നേടി. ഇതിൽ അവസാന ഓവറിൽ നേടിയ മൂന്ന് തകർപ്പൻ സിക്സറുകളും ഉൾപ്പെടുന്നു.
ഡേവിഡിനേ കൂടാതെ രജത് പാടീദാർ മാത്രമാണ് രണ്ടക്കം കടന്നത്. പാടീദാർ 18 പന്തിൽ 23 റൺസും നേടി. മറ്റാർക്കും തിളങ്ങാനായില്ല. പഞ്ചാബിന് വേണ്ടി യുസ്വേന്ദ്ര ചഹാൽ , അർഷ് ദീപ് സിംഗ്, ഹർപ്രീത് ബ്രാർ എന്നിവർ രണ്ട് വിക്കറ്റ് വീതം നേടി.6 മത്സരങ്ങളില്‍ നാല് ജയവും രണ്ട് തോല്‍വിയുമാണ് ഇരുടീമിനുമുള്ളത്. പോയിന്റ് ടേബിളില്‍ ആർസിബി മൂന്നും പഞ്ചാബ് നാലും സ്ഥാനത്താണ്.
സ്വന്തം ഹോം ഗ്രൗണ്ടിലെ ആദ്യ ജയമാണ് ആർസിബി ലക്ഷ്യമിടുന്നത്. സീസണിൽ ആർസിബി തോറ്റതെല്ലാം ചിന്നസ്വാമിയിലായിരുന്നു. കൊൽക്കത്തക്കെതിരെ നേടിയ അവിശ്വസനീയ ജയം തുടരാനാണ് പഞ്ചാബ് ലക്ഷ്യമിടുന്നത്.
Content highlights: Tim david outstanding perfomance RCB vs PBKS IPL 2025
